უკრაინა ცდილობს, გადაარჩინოს თავისი მოქალაქეები, მაგრამ ეს არ ნიშნავს მზადყოფნას, დაუთმოს თავისი ტერიტორიის მესამედი აგრესორს,- ამის შესახებ უკრაინის პრეზიდენტმა, ვოლოდიმირ ზელენსკიმ BBC-სთვის მიცემულ ინტერვიუში განაცხადა.

როგორც ზელენსკიმ აღნიშნა, რუსეთთან კონფლიქტის გაყინვა, რომელიც მას შეუნარჩუნებს უკვე დაკავებულ უკრაინულ ტერიტორიას, ომიდან "კარგი გამოსავალი" არ არის.

"ჩვენთვის წაგება ჩვენი ქვეყნის დაკარგვაა. ვიღაც ამბობს: "რა არის შენთვის უფრო მნიშვნელოვანი - ტერიტორია თუ ხალხი?" როგორ შეიძლება ასე შედარება? ხალხი მნიშვნელოვანია, მაგრამ ეს არ ნიშნავს, რომ მათ ჩვენი მიწის 30% შეგვიძლია მივცეთ",- აცხადებს ზელენსკი.