ღაზას სექტორში, ბოლო 24 საათის განმავლობაში, ისრაელის მიერ განხორციელებული თავდასხმების შედეგად 64 ადამიანი დაიღუპა. ამის შესახებ ინფორმაციას Aljazeera ღაზას ჯანდაცვის სამსახურზე დაყრდნობით ავრცელებს.

მედიის ცნობით, ბოლო დღე-ღამეში დაშავებულთა რიცხვი 105-მდე აღწევს.

როგორც Aljazeera წერს, საჰაერო და საარტილერიო დაბომბვის შედეგად, ბევრი მოქალაქე კვლავ ნანგრევების ქვეშ იმყოფება, თუმცა სამოქალაქო თავდაცვის ეკიპაჟები მათთან მიღწევას ვერ ახერხებენ.