უკრაინის უმაღლესმა რადამ ქვეყანაში საომარი მდგომარეობის და საყოველთაო მობილიზაციის კიდევ 90 დღით გახანგრძლივებას მხარი დაუჭირა. ამის შესახებ ინფორმაციას უცხოური მედია რადას დეპუტატ იაროსლავ ჟელეზნიაკზე დაყრდნობით ავრცელებს.

მედიის ცნობით, შესაბამისი დადგენილება რადას პრეზიდენტმა წარუდგინა, გადაწყვეტილებას კი, მისმა 339-მა წევრმა დაუჭირა მხარი.

საომარი მდგომარეობა და საყოველთაო მობილიზაცია უკრაინაში 9 ნოემბრამდე გახანგრძლივდა.