გენერალ მარკ ბეზრუჩკოს სახელობის 110-ე ცალკეული მექანიზებული ბრიგადის მებრძოლებმა კიდევ ერთი რუსული SU-25 ჩამოაგდეს. ამის შესახებ ინფორმაციას და ვიდეომასალას 110-ე ბრიგადა თავად ავრცელებს.

როგორც ინფორმაციაშია აღნიშნული, საბრძოლო თვითმფრინავი დონეცკის რეგიონში, პოკროვსკის მიმართულებით ჩამოაგდეს.

მანამდე, 19 ივლისს, 110-ე ბრიგადამ დონეცკში კიდევ ერთი რუსული მოიერიშე თვითმფრინავი გაანადგურა, ეს კი მიმდინარე თვეში მეორე თვითმფრინავი იყო, რომლის განადგურებაც უკრაინელმა მებრძოლებმა შეძლეს.