ისრაელის საგარეო საქმეთა მინისტრი ისრაელ კაცი თურქეთის პრეზიდენტის, რეჯეფ თაიფ ერდოღანის განცხადებას ეხმაურება, რომლის თანახმადაც, შესაძლოა, თურქეთი პალესტინელების დახმარების მიზნით, ისრაელში შევიდეს.

ისრაელ კაცი თავის განცხადებაში, რომელიც მან X-ზე დაწერა, ერდოღანს ერაყის ყოფილ ლიდერს, სადამ ჰუსეინს ადარებს.

“ერდოღანი სადამ ჰუსეინის გზას მიჰყვება და ისრაელზე თავდასხმით იმუქრება. მას უნდა ახსოვდეს, რა მოხდა იქ და როგორ დასრულდა ეს“,- წერს ისრაელ კაცი.

შეგახსენებთ, სადამ ჰუსეინი იყო ერაყის ლიდერი, რომელიც 2003 წლის 14 დეკემბერს დააკავეს. 2006 წლის 30 დეკემბერს კი, კაცობრიობის წინააღმდეგ ჩადენილი დანაშაულებისთვის სიკვდილით დასაჯეს.