თეირანის მიმართ საფრანგეთის, გერმანიისა და დიდი ბრიტანეთის მოწოდებებს პოლიტიკური ლოგიკა არ აქვს და საერთაშორისო სამართლის ნორმებს ეწინააღმდეგება. ამის შესახებ ირანის საგარეო საქმეთა სამინისტროში აცხადებენ.

უწყების სპიკერის, ქანაანის თქმით, ირანს ისრაელის შეჩერება აქვს გადაწყვეტილი და მოუწოდებს საფრანგეთს, გერმანიას და დიდ ბრიტანეთს, ერთხელ და სამუდამოდ შეეწინააღმდეგონ ღაზაში მიმდინარე ომს.

"გაეროს უშიშროების საბჭოს უმოქმედობა და დასავლეთის ქვეყნების მიერ სიონისტური რეჟიმის მხარდაჭერა ღაზის სექტორში კრიზისის რეგიონული გაფართოების მთავარ ფაქტორებს წარმოადგენს. საფრანგეთი, გერმანია და დიდი ბრიტანეთი თავხედურად მოითხოვენ ირანისგან, არ უპასუხოს ისრაელის მიერ მისი სუვერენიტეტისა და ტერიტორიული მთლიანობის დარღვევას და დატოვოს სიონისტური რეჟიმის დანაშაულები ყოველგვარი წინააღმდეგობის გარეშე“,- განაცხადა ქანაანმა.