სამხრეთ ლიბანზე ისრაელის დარტყმის შედეგად დაიღუპა 10 და დაშავდა 5 ადამიანი. ამის შესახებ ინფორმაციას ისრაელის მედია ავრცელებს.

როგორც ისრაელის თავდაცვის ძალებში აღნიშნავენ, იერიშის სამიზნე დაჯგუფება „ჰეზბოლას“ იარაღის საწყობი იყო.

"დარტყმები განხორციელდა სამხრეთ ლიბანის ორ სოფელში მდებარე შენობებზე, რომლებსაც „ჰეზბოლა“ იყენებდა", - აცხადებენ ისრაელის თავდაცვის ძალებში.