ლიბანის სამხრეთში აფეთქების შედეგად გაეროს 3 მშვიდობისმყოფელი მსუბუქად დაშავდა. ამის შესახებ ინფორმაციას უცხოური მედია ლიბანში გაეროს დროებითი ძალების წარმომადგენლობაზე (UNIFIL) დაყრდნობით ავრცელებს.

როგორც UNIFIL-ის განცხადებაშია აღნიშნული, აფეთქება გაეროს კუთვნილი მანქანის მახლობლად, სოფელ იარინესთან პატრულირებისას მოხდა.

"ყველა მშვიდობისმყოფელი უსაფრთხოდ დაბრუნდა თავის ბაზაზე. ჩვენ ინციდენტს ვიკვლევთ",- ნათქვამია განცხადებაში.