რუსეთის პრეზიდენტმა, ვლადიმერ პუტინმა საკუთარ ჯარს კურსკის ოლქიდან უკრაინული შენაერთების განსადევნად ვადა 1 ოქტომბრამდე მისცა. ამის შესახებ ინფორმაციას უკრაინული მედია ავრცელებს.

როგორც მედია წერს, ვლადიმერ პუტინმა თავდაცვის სამინისტროს ტორეცკისა და პოკროვსკის მიმართულებებიდან ჯარების მოხსნა და კურსკის მიმართულებაზე გადასროლა აუკრძალა.

უკრაინის პრეზიდენტმა, ვოლოდიმირ ზელენსკიმ გუშინ, 19 აგვისტოს განაცხადა, რომ უკრაინული ჯარი რუსეთის1 250 კვადრატული კილომეტრის ტერიტორიას და 92 დასახლებულ პუნქტს აკონტროლებს.