მდინარე იორდანეს დასავლეთ ნაპირზე ისრაელის ფართომასშტაბიანი ანტიტერორისტული ოპერაციების შედეგად, ჯენინისა და ტუბასის ახლოს მდებარე ლტოლვილთა ბანაკებში, შეტაკებებისას 10 ადამიანი დაიღუპა. ამის შესახებ ინფორმაციას The Times Of Israel-ი ავრცელებს.

მედიის ცნობით, ჯენინის მახლობლად, ისრაელის მხრიდან უპილოტო საფრენი აპარატით დარტყმის შედეგად სამი ადამიანი დაიღუპა.

"ისრაელის თავდაცვის ძალები ასევე მოქმედებენ დასავლეთ სანაპიროს სხვა ნაწილებშიც, მათ შორის რამალას, კალკილიასა და ტულკარემის მახლობლად", - ნათქვამია ინფორმაციაში.