ამერიკის შეერთებული შტატების თავდაცვის მდივანი ლოიდ ოსტინი დღეს პენტაგონში უკრაინელ კოლეგას, რუსტემ უმეროვს შეხვდება. ამის შესახებ ინფორმაციას უკრაინული მედია ავრცელებს.

მედიის ცნობით, შეხვედრისას უკრაინის თავდაცვის მინისტრი ამერიკელ კოლეგას ფრონტის ხაზზე არსებულ ვითარებას გააცნობს და  ასევე  კურსკში განვითარებულ მოვლენებზე ისაუბრებენ.

“მინისტრი კიდევ ერთხელ დაადასტურებს შეერთებული შტატების ურყევ მხარდაჭერას უკრაინის მიმართ რუსული აგრესიის ფონზე“,- აცხადებენ ამერიკის თავდაცვის დეპარტამენტში.