ხარკოვის საჰაერო ძალების ეროვნული უნივერსიტეტის ვერტმფრენმა კატასტროფა განიცადა. ამის შესახებ ინფორმაციას "უკრაინსკაია პრავდა" ავრცელებს.

მედიის ცნობით, დაიღუპა 2 ადამიანი.

"დაწესებულების ხელმძღვანელობა და სამხედრო ნაწილები ყველანაირად შეუწყობენ ხელს ავიაკატასტროფის მიზეზების დადგენასა და ანალიზს", - განაცხადეს უნივერსიტეტის ადმინისტრაციაში.

შემთხვევის ადგილზე გამომძიებლები, ექსპერტები და უკრაინის თავდაცვის სამინისტროს სპეციალური კომისიის სპეციალისტები მუშაობენ.