რუსეთის ძალებმა ბალისტიკური რაკეტით უკრაინის ქალაქი პოლტავა დაბომბეს. ამის შესახებ ინფორმაციას უკრაინის პრეზიდენტი ვოლოდიმირ ზელენსკი ავრცელებს.

როგორც ზელენსკი აღნიშნავს, ამ დროის მონაცემებით დაღუპულია 41 ადამიანი, 180-ზე მეტი კი დაშავებული.

"ორი ბალისტიკური რაკეტით დარტყმა სასწავლო დაწესებულებისა და საავადმყოფოს შენობებზე განხორციელდა. ნაწილობრივ დანგრეულია კავშირგაბმულობის ინსტიტუტი, ნანგრევებში ხალხია მოყოლილი", - განაცხადა ზელენსკიმ.