რუსეთის მიერ ქალაქის დაბომბვის შედეგად, სულ მცირე, 6 ადამიანი დაშავდა, მათ შორის 10 წლის ბიჭი,- ამის შესახებ ლვოვის მერმა, ანდრეი სადოვოიმ განაცხადა.

სადოვოის თქმით, ქალაქის ცენტრალურ ნაწილში 2 სკოლა დაზიანდა.

"მთავარი სადგურის მიმდებარე ტერიტორიაზე საცხოვრებელ კორპუსებში ხანძარია. ქალაქის 3 ქუჩაზე შენობებში მინები ჩაიმსხვრა",- განაცხადა სადოვოიმ.

უკრაინული მხარის ცნობით, რუსეთმა რაკეტები და უპილოტო საფრენი აპარატები გამოიყენა.