რუსეთის ძალების მიერ დონეცკის ოლქის, ქალაქ კონსტანტინოვკასთვის საარტილერიო ცეცხლის გახსნის შედეგად 3 ადამიანი დაიღუპა, 3 კი დაშავდა.

ამის შესახებ ინფორმაციას “უკრაინსკაია პრავდა“ დონეცკის სამხედრო საოლქო ადმინისტრაციაზე დაყრდნობით ავრცელებს.

ადგილობრივი ხელისუფლების ცნობით, საარტილერიო ცეცხლის გახსნის შედეგად დასახლებაში დაზიანებულია მრავალსართულიანი საცხოვრებელი სახლი, ადმინისტრაციული შენობა, მაღაზია, აფთიაქი, ექვსი ავტომობილი და ელექტროგადამცემი ხაზები.