ნიგერიაში ნავთობმზიდისა და სატვირთო მანქანის შეჯახების შედეგად 50 ადამიანი დაიღუპა. ამის შესახებ  ინფორმაციას BBC ქვეყნის საგანგებო სიტუაციების მართვის სააგენტოზე დაყრდნობით ავრცელებს.

მედიის ცნობით, შემთხვევა ქვეყნის ცენტრალურ ნაწილში, ნიგერის შტატში მოხდა.

შეჯახებამ აფეთქება გამოიწვია, რის გამოც დაიწვა 2-ვე სატრანსპორტო საშუალება.

"აფეთქების შედეგად ცეცხლი სხვა მანქანებსაც მოედო. სატვირთო მანქანას ხალხი და პირუტყვი გადაჰყავდა. 8 ადამიანი საავადმყოფოში რჩება", - წერს BBC.