გერმანიის კანცლერი ოლაფ შოლცი აცხადებს, რომ სურს, რუსეთმა მონაწილეობა მიიღოს მეორე სამშვიდოო სამიტში, თუმცა ეს არ იმუშავებს, თუ თავდასხმები გაგრძელდება. ამის შესახებ ინფორმაციას გერმანული მედია ავრცელებს.

მედიის ცნობით, შოლცმა აღნიშნა, რომ უკრაინის სამხედრო მხარდაჭერის გარდა, აუცილებელია ომის სიტუაციიდან გამოსავლის გზების შესწავლაც.

"ვითარება მოითხოვს იმას, რაც ყოველთვის მნიშვნელოვანია პოლიტიკაში: სიცხადეს, სიმტკიცესა და ნებისყოფას", - განაცხადა შოლცმა.