ღაზას სექტორზე ისრაელის თავდასხმის შედეგად გაეროს 6 თანამშრომელი დაიღუპა. ამის შესახებ ინფორმაციას BBC ავრცელებს.

როგორც გაეროს პალესტინელი ლტოლვილების დახმარების სააგენტოში აცხადებენ, ისრაელის თავდასხმა ღაზას სექტორის ცენტრალურ ნაწილში მდებარე ერთ-ერთ სკოლაზე განხორციელდა.

"დაღუპულთა შორის არიან გაეროს პალესტინელი ლტოლვილების დახმარების სააგენტოს თავშესაფრის მენეჯერი და გუნდის სხვა წევრები, რომლებიც დახმარებას უწევდნენ იძულებით გადაადგილებულ პირებს", - ნათქვამია სააგენტოს განცხადებაში.