ევროკომისიის პრეზიდენტი ურსულა ფონ დერ ლაიენი ხვალ, 20 სექტემბერს უკრაინაში ჩავა. ამის შესახებ ინფორმაციას უკრაინული მედია ავრცელებს.

როგორც მედია იტყობინება, ლაიენმა პრესკონფერენციაზე განაცხადა, რომ კიევში ვიზიტისას ქვეყნის პრეზიდენტ ვოლოდიმირ ზელენსკის შეხვდება.

ევროკომისიის პრეზიდენტის თქმით, ზელენსკისთან შეხვედრაზე უკრაინის დახმარების გზებზე იმსჯელებენ.