ხარკოვის დაბომბვის შედეგად, სულ მცირე, 15 ადამიანი დაშავდა. ამის შესახებ ინფორმაციას უცხოური მედია ქალაქის მერზე, იგორ ტერეხოვზე დაყრდნობით ავრცელებს.

ქალაქის მერის, იგორ ტერეხოვის თქმით, ერთ-ერთი ჭურვი სამედიცინო დაწესებულების ახლოს ჩამოვარდა - დაშავებულებს შორის არიან ბავშვებიც. 8 დაშავებული ჰოსპიტალიზებულია.

ხარკოვის ოლქის ეროვნული პოლიციის მთავარი სამმართველოს უფროსმა, ვლადიმირ ტიმოშკომ კი, ჟურნალისტებთან კომენტარში განაცხადა, რომ რუსეთის შეიარაღებული ძალების მთავარი სამიზნე სწორედ საავადმყოფო იყო.