რუსეთის არმიამ მართვადი საავიაციო ბომბებით ხარკოვი კიდევ ერთხელ დაბომბა. ამის შესახებ ინფორმაციას უკრაინული მედია ავრცელებს.

როგორც ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი აღნიშნავს, ერთ-ერთი ბომბი საცხოვრებელ მრავალსართულიან შენობას მოხვდა, რის შედეგადაც სულ მცირე, 21 ადამიანი დაშავდა, მათ შორის არის სამი ბავშვი.

"ქალაქში ორი ბომბი ჩამოვარდა. ერთ-ერთი მათგანი მოხვდა მრავალსართულიან საცხოვრებელ სახლს ხარკოვის შევჩენკოვის რაიონში", - განაცხადა სინეგუბოვმა.