ლიბანიდან ჩრდილოეთ ისრაელის მიმართულებით 100-ზე მეტი რაკეტა ისროლეს. ამის შესახებ ინფორმაციას ისრაელის თავდაცვის ძალები (IDF) ავრცელებს.

IDF-ს ცნობით, თავდაცვის სისტემამ რაკეტების უმეტესობის მოგერიება შეძლო, თუმცა ზოგიერთი მათგანი სახლებს მოხვდა.

მომხდარზე პასუხისმგებლობა „ჰეზბოლამ“ აიღო და განაცხადა, რომ განხორციელებული იერიში გასულ კვირას ისრაელის მხრიდან პეიჯერებისა და რაციების აფეთქებების პასუხია.