ისრაელი უსაფრთხოების აღსადგენად ყველა საჭირო ზომას მიიღებს, - ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.

ნეთანიაჰუ "ჰეზბოლას" მიერ განხორციელებულ თავდასხმებს გამოეხმაურა და აღნიშნა, რომ ირანის მხარდაჭერით მოქმედი დაჯგუფება ისრაელს სრულიად არაპროვოცირებულად დაესხა თავს, რამაც 60 000 ისრაელელ პირს აიძულა, დაეტოვებინა საკუთარი სახლები ლიბანის საზღვრის გასწვრივ.

"ბოლო დღეებში ჩვენ მივაყენეთ "ჰეზბოლას" ისეთი დარტყმების სერია, რომელიც მას არასოდეს წარმოედგინა. თუ "ჰეზბოლას" ჯერ არ გაუგია ეს გზავნილი, გპირდებით, გაიგებს", - განაცხადა ნეთანიაჰუმ.