საფრანგეთის პრეზიდენტი ემანუელ მაკრონი აცხადებს, რომ უკრაინაში მიმდინარე ომის შემდეგ, საჭირო იქნება რუსეთთან ურთიერთობის გადახედვა. ამის შესახებ ფრანგული მედია წერს.

მედიის ცნობით, მაკრონმა ასევე აღნიშნა, რომ ამასთან ერთად, საჭირო იქნება ევროპის ორგანიზების ახალ ფორმაზე ფიქრი.

"ომის შემდეგ, ჩვენ მოგვიწევს, ვიფიქროთ ევროპის ორგანიზების ახალ ფორმაზე და გადავხედოთ ჩვენს ურთიერთობას რუსეთთან... ჩვენ უნდა ვიყოთ საკმარისად მოაზროვნეები, რომ ვიფიქროთ ხვალინდელ მშვიდობაზე - მშვიდობა ევროპაში ახალი ფორმით",- თქვა მაკრონმა.