პარტია „საქართველოსთვის“ თავმჯდომარე გიორგი გახარიამ „ქართულ ქარტიას“ ხელი მოაწერა.

აღნიშნული ინფორმაცია საზოგადოებრივ მაუწყებელს პარტიის პრესსამსახურში დაუდასტურეს.

როგორც საზოგადოებრივი მაუწყებელი წერს, გახარიამ ქარტიის დოკუმენტს პრეზიდენტის სასახლეში ხელი დღეს მოაწერა.

შეგახსენებთ, საქართველოს პრეზიდენტმა, სალომე ზურაბიშვილმა პოლიტიკურ პარტიებს "ქართული ქარტია" 26 მაისს შესთავაზა.