ვლადიმერ პუტინის ახალი მუქარა ბირთვული იარაღის გამოყენების შესახებ, კიდევ ერთი მტკიცებულებაა მისი უპასუხისმგებლო ქცევისა, - ამის შესახებ ევროკავშირის წარმომადგენელმა, პიტერ სტანომ განაცხადა

სტანოს თქმით, ევროკავშირი არ აპირებს უკრაინის მიმართ პოზიციის შეცვლას, რუსეთის ბირთვული დოქტრინის ცვლილების მიუხედავად.

“ეს მხოლოდ პუტინის ძალიან უპასუხისმგებლო და მიუღებელი ქცევის გაგრძელებაა. მთელ მსოფლიოს უჩვენებს მის ნამდვილ სახეს. ჩვენ, რა თქმა უნდა, კატეგორიულად უარვყოფთ ამ საფრთხეებს. ევროკავშირის პოზიცია უცვლელი რჩება”, - განაცხადა სტანომ.