ევროპა თვითმკვლელობის გზას ადგას და თან ეს ძალიან სწრაფად ხდება, - ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

ორბანის თქმით, როდესაც შეფერხებები, აკრძალვები და სანქციები მოქმედებაშია, ეკონომიკური დინამიკის თვალსაზრისით ყველა ზარალდება.

"ყველა განათლებული ევროპელი ეკონომისტი თანხმდება, რომ პოლიტიკოსები, რომლებსაც სურთ მსოფლიო ეკონომიკის დაყოფა, ევროპელი ხალხი და ევროპული ეკონომიკა არასწორი გზით მიჰყავთ", - განაცხადა ვიქტორ ორბანმა.