ისრაელის მიერ ირანის ბირთვულ ობიექტებზე თავდასხმას არ ვემხრობი,- ამის შესახებ ამერიკის შეერთებული შტატების პრეზიდენტმა, ჯო ბაიდენმა ჟურნალისტებს განუცხადა. 

ჟურნალისტის კითხვაზე - უჭერს თუ არა მხარს, რომ ისრაელმა ირანის ბირთვულ ობიექტებზე თავდასხმა განახორციელოს - ჯო ბაიდენმა უპასუხა, რომ "არა".

ბაიდენის თქმით, აშშ განიხილავს ისრაელთან, როგორ უნდა უპასუხონ ირანის სარაკეტო თავდასხმას.

„ირანმა ძალიან გადაუხვია მიმართულებას“,- აღნიშნა ბაიდენმა.

ამასთან, როგორც მან თქვა, ის ესაუბრა "დიდი შვიდეულის" ლიდერებს და შეთანხმდნენ, რომ ისრაელმა ირანის თავდასხმას პროპორციულად უნდა უპასუხოს.