ლიბანში ისრაელის მიერ განხორციელებული სარაკეტო დარტყმების შედეგად 11 მედიკოსი დაიღუპა. ამის შესახებ ინფორმაციას “ჰეზბოლას“ კონტროლირებადი ჯანდაცვის უწყება ავრცელებს.

უწყების ცნობით, 7 პირი მარჯაიუნის ჰოსპიტალში, 4 კი სხვადასხვა ლოკაციაზე ემსხვერპლა იერიშს.

როგორც ისრაელის შეიარაღებულ ძალებში აცხადებენ, მათ იერიში ბეირუთის გარეუბანში, “ჰეზბოლას“ ინფრასტრუქტურულ ობიექტებზე მიიტანეს.