მოლდოვასა და საქართველოს პრეზიდენტებს შორის სატელეფონო საუბარი შედგა. ამის შესახებ ინფორმაციას მოლდოვის პრეზიდენტი მაია სანდუ სოციალურ ქსელ X-ზე ავრცელებს.

როგორც სანდუმ აღნიშნა, მოლდოვაც და საქართველოც მნიშვნელოვანი დემოკრატიული  გამოცდისთვის ემზადებიან და მოლდოვა ქართველი ხალხის გვერდით მტკიცედ დგას.

"მოლდოვაც და საქართველოც ემზადებიან მნიშვნელოვანი დემოკრატიული  გამოცდისთვის. მოლდოვა მტკიცედ დგას ქართველი ხალხის გვერდით დემოკრატიისა და ევროპული მისწრაფებებისკენ", - წერს მაია სანდუ.