ისრაელისთვის იარაღის ექსპორტის შეწყვეტა ერთადერთი გზაა ღაზაში და ლიბანში ომის დასასრულებლად, - ამის შესახებ საფრანგეთის პრეზიდენტმა, ემანუელ მაკრონმა განაცხადა.

მაკრონმა ისრაელი სამხრეთ ლიბანში გაეროს სამშვიდობოების მიზანმიმართულ სროლაში დაადანაშაულა.

"აბსოლუტურად მიუღებელია, რომ გაეროს სამშვიდობოები ლიბანში ისრაელის ძალების განზრახ სამიზნე არიან", - განაცხადა მაკრონმა.