ისრაელის ჩრდილოეთით დრონის თავდასხმის შედეგად, სულ მცირე, 67 ადამიანი დაშავდა. ამის შესახებ ინფორმაციას ადგილობრივი მედია ავრცელებს.

მედიის ცნობით, 4 დაშავებულის მდგომარეობა კრიტიკულია, ხოლო 9 პირის მდგომარეობა სტაბილურად მძიმე.

მედიის ინფორმაციით, ისრაელის არმია მიზეზს იძიებს, თუ რატომ არ ამუშავდა სასიგნალო სისტემა თავდასხმისას.

როგორც მედია იუწყება, დაშავებულთა უმეტესობა ჰილელ იაფეს სამედიცინო ცენტრში, ჰადერაშია გადაყვანილი.