ნატოს არ ეშინია რუსეთის მხრიდან საფრთხის,- ამის შესახებ ჩრდილოატლანტიკური ალიანსის გენერალურმა მდივანმა, მარკ რუტემ განაცხადა.

როგორც რუტემ გერმანიაში მისი პირველი ვიზიტის დროს ჟურნალისტებთან ინტერვიუში აღნიშნა, ნატო კიევის ძლიერ მხარდაჭერას გააგრძელებს.

"მესიჯი" [რუსეთის პრეზიდენტ ვლადიმერ პუტინისთვის] არის ის, რომ ჩვენ გავაგრძელებთ ყველაფერს, რაც საჭიროა, რათა დავრწმუნდეთ, რომ ის ვერ მიაღწევს თავის მიზნებს და უკრაინა გაიმარჯვებს",- განაცხადა რუტემ ვისბადენში, სადაც უკრაინის დახმარების მთავარი საკოორდინაციო ცენტრი განთავსდება.