უკრაინამ ტყვეთა რიგით 58-ე გაცვლა განახორციელა. ამის შესახებ ინფორმაციას უკრაინული მედია ავრცელებს.

ტყვეთა გაცვლის შედეგად სამშობლოში 95 უკრაინელი მებრძოლი დაბრუნდა. 

"ჩვენი 95 მეომრები კვლავ შინაა. ესენი მეომრები იცავდნენ მარიუპოლს და "აზოვსტალს", დონეცკის, ლუგანსკის, ხარკოვის, კიევის, ჩერნიგოვის და ხერსონის ოლქებს. ყოველ ჯერზე, როდესაც უკრაინა იხსნის თავის ხალხს რუსული ტყვეობიდან, ჩვენ ვუახლოვდებით დღეს, როდესაც თავისუფლება დაუბრუნდება ყველას, ვინც რუსულ ტყვეობაშია",- განაცხადა უკრაინის პრეზიდენტმა, ვოლოდიმირ ზელენსკიმ.