ისრაელმა ლიბანის ქალაქ ტვიროსის დაბომბვა დაიწყო. ამის შესახებ ინფორმაციას Aljazeera ავრცელებს.

მედიის ცნობით, ოპერაციის დაწყებამდე ისრაელის არმიის პრესსპიკერმა, ავიხაი ადრაიმ ქალაქის მოსახლეობას სასწრაფო ევაკუაციისკენ მოუწოდა.

როგორც ისრაელის თავდაცვის ძალებში აცხადებენ, “ჰეზბოლას“ საქმიანობა ისრაელის არმიას აიძულებს, იმოქმედოს.

მედიის ინფორმაციით, ეს არის პირველი შემთხვევა, როდესაც თავდასხმის სამიზნე ტვიროსის ცენტრალური რაიონი გახდა, სადაც ისრაელის 4 ავიაიერიში განხორციელდა და ახლა მოსახლეობის ევაკუაცია მიმდინარეობს.