რუსეთის პრეზიდენტი ვლადიმერ პუტინი მიესალმება ყაზანში მიმდინარე BRICS-ის სამიტის მონაწილეების ძალისხმევას უკრაინის კონფლიქტის დარეგულირებასთან დაკავშირებით,- ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

პესკოვის თქმით, BRICS-ის სამიტის ფარგლებში ორმხრივი შეხვედრების დროს უკრაინის თემა აქტიურად განიხილებოდა.

"ბევრი ქვეყანა ნამდვილად გამოხატავს სურვილს, უფრო აქტიურად შეუწყოს ხელი დარეგულირების პროცესს. გამოხატავს მზადყოფნას, იყოს შუამავალი, რასაც რუსეთის პრეზიდენტი როგორც ყოველთვის მიესალმება",- განაცხადა პესკოვმა.