ავიაკოსმოსურ კომპანიაზე თავდასხმის უკან, სავარაუდოდ, “ქურთისტანის მუშათა პარტია“ დგას,- ამის შესახებ თურქეთის შინაგან საქმეთა მინისტრმა, ალი იერლიკაიამ განაცხადა.

მისი თქმით, დაღუპულთა ვინაობა ჯერ უცნობია.

“ დაღუპულთა ვინაობასა და სხვა მტკიცებულებებს, როგორც კი გაირკვევა, გავასაჯაროებთ“,- განაცხადა იერლიკაიმ.

შეგახსენებთ, გუშინ, 23 ოქტომბერს ანკარაში, თურქული საჰაერო კოსმოსური კორპორაციის TUSAŞ-ის შენობასთან მომხდარი ტერაქტის შედეგად დაიღუპა 5 და დაშავდა 22 ადამიანი.