რუსეთი მზად არის გონივრულ კომპრომისებზე წასასვლელად უკრაინის საკითხის მოსაგვარებლად, მაგრამ არსებითი მოლაპარაკებები არ მიმდინარეობს,- ამის შესახებ რუსეთის პრეზიდენტმა, ვლადიმერ პუტინმა განაცხადა.

როგორც პუტინმა აღნიშნა, უკრაინა მოლაპარაკებებზე უარს ამბობს.

"ჩვენ მზად ვართ, ვეძიოთ კომპრომისები; ჩვენ მზად ვართ ამ გონივრული კომპრომისების გასაკეთებლად, მაგრამ მე არ მინდა ახლა დეტალებში შესვლა, რადგან არ არსებობს არსებითი მოლაპარაკებები და მეორე მხარე ამაზე უარს ამბობს",- განაცხადა პუტინმა.