ახლახან ჩამოვედი საქართველოში, როგორც საერთაშორისო დამკვირვებელი,- ამის შესახებ სოციალურ ქსელში უკრაინის უმაღლესი რადას დეპუტატი ალექსეი გონჩარენკო წერს.

როგორც გონჩარენკო აღნიშნავს, ქვეყანაში შემოსვლისთანავე პრობლემები შეექმნა.

"ახლახან ჩამოვედი საქართველოში. დელეგირებული ვარ ევროსაბჭოს საპარლამენტო ასამბლეის მიერ, როგორც საერთაშორისო დამკვირვებელი ხვალ დაგეგმილ არჩევნებზე. თავგადასავლები აეროპორტშივე დაიწყო.

აღმოჩნდა, რომ პასპორტის მქონე ყველა მამაკაცი დამატებით შემოწმებას ექვემდებარება. ჩვენ პასპორტის კონტროლზე სხვა მგზავრებზე მეტხანს გაგვაჩერეს",- წერს ოლექსეი გონჩარენკო.