მოვუწოდებ ბატონ გიორგი კალანდარიშვილს, რომ არსებულ დარღვევებთან დაკავშირებით გამოვიდეს და ყველა კითხვას გასცეს პასუხი,- ამის შესახებ “ერთიანობა - ნაციონალური მოძრაობის“ ერთ-ერთმა ლიდერმა, თამარ კორძაიამ ბრიფინგზე განაცხადა.

მისი თქმით, “საარჩევნო უბნებზე როგორც სისტემური, ისე ინდივიდუალური დარღვევის შემთხვევები გამოიკვეთა.

“სისტემურ დარღვევებს ადგილი აქვს ბიულეტინების გაცემის პროცესში, ხდება ორ-ორი ბიულეტიების გაცემა. კომისიის წევრების კომენტარი იმასთან დაკავშირებით, რომ ეს შემთხვევით უმნიშვნელო დარღვევა იყო, არ და ვერ იქნება მიღებული, იმიტომ რომ ეს არის მნიშვნელოვანი დარღვევა.

ქუთაისის მე-11 და მე-7 უბნებზე, გორის მე-80 უბანზე, დედოფლის წყაროს მე-2 უბანსა და მთაწმნიდის 31-ე უბანზე ორ-ორი ბიულეტინის გაცემის ფაქტი გამოიკვეთა. სისტემურ დარღვევას აქვს ადგილი ასევე დამკვირვებლებთან მიმართებაშიც, როდესაც მათ რეგისტრატორების უკან არ აძლევენ სათანადოდ დაკვირვების შესაძლებლობას“,- განაცხადა კორძაიამ.