ესპანეთის მთავრობა ვალენსიაში დამატებით 500 ჯარისკაცს აგზავნის. ამის შესახებ ინფორმაციას BBC ავრცელებს.

მედიის ცნობით, ვალენსიის რეგიონში სამძებრო-სამაშველო ოპერაციებში უკვე 1 700-ზე მეტი ჯარისკაცია ჩართული.

მედიის ინფორმაციით, წყალდიდობის შედეგად 205-ზე მეტი ადამიანი დაიღუპა, უმეტესობა ვალენსიასა და მის მიმდებარედ, თუმცა მოსალოდნელია, რომ დაღუპულთა რიცხვი გაიზარდოს.

ესპანეთის პრემიერ-მინისტრმა, პედრო სანჩესმა პირობა დადო, რომ სტიქიით დაზარალებულთა დასახმარებლად ყველაფერს გააკეთებს.