ამერიკის შეერთებული შტატების არჩეულმა პრეზიდენტმა, „რესპუბლიკელმა“ დონალდ ტრამპმა მომავალ თავდაცვის მდივნად FOX News-ის წამყვანი პიტ ჰეგსეტი დაასახელა. ამის შესახებ ინფორმაციას BBC ავრცელებს.

BBC-ის ცნობით, ჰეგსეტი არმიის ვეტერანია, მან წარსულში მინესოტის შტატში სენატის წევრობისთვის კენჭი იყარა. 

„პიტი არის ძლიერი, ჭკვიანი და „ამერიკა უპირველეს ყოვლისა“ პრინციპის ჭეშმარიტი მიმდევარი. პიტის სათავეში ყოფნით აშშ-ის მტრები გაფრთხილებულნი არიან - ჩვენი სამხედრო ძალები კვლავ იქნება დიდებული და აშშ არასდროს დაიხევს უკან“,- ნათქვამია ტრამპის მიერ გავრცელებულ განცხადებაში.