თბილისში ქალთა მარში მიმდინარეობს.

მსვლელობა, რომლის ორგანიზატორებიც ქალთა მოძრაობა და ქალთა ინტერპარტიული ჯგუფი არიან, თავისუფლების მოედანზე, 15:00 საათზე დაიწყო.

მარშის მონაწილეებს ადგილზე მიტანილი აქვთ ჩემოდნები, წარწერებით: „ბიძინა წადი! მე ვრჩები!“, „არა იძულებით ემიგრაციას“.

აქციის ორგანიზატორების განცხადებით, მარში „ქართული ოცნების“ საპატიო თავმჯდომარის, ბიძინა ივანიშვილის სახლთან პერფორმანსით დასრულდება.