საქართველოს პრეზიდენტი, სალომე ზურაბიშვილი ათონელის რეზიდენციაში ოპოზიციის წარმომადგენლებთან შეხვედრებს მართავს.

შეხვედრაზე "ძლიერი საქართველოს" ლიდერები და "კოალიცია ცვლილებისთვის" წევრი ელენე ხოშტარია იმყოფებოდა.

როგორც "ძლიერი საქართველოს" ერთ-ერთმა ლიდერმა, მამუკა ხაზარაძემ განაცხადა, პრეზიდენტთან შეხვედრაზე შემდგომი ნაბიჯები განიხილეს.

"ჩვენ გვჭირდება ერთობა, ეს არის ძალიან მნიშვნელოვანი, ჩვენ გვჭირდება ერთობა ოპოზიციურ მხარეს და ასევე ჩვენ გვჭირდება იმ მანდატების დაცვა, რომლებიც ოპოზიციურ პარტიებს მისცეს ჩვენმა მოქალაქეებმა. მაგრამ როგორც ხედავთ, "ქართული ოცნება" აგრძელებს თავის სპეცოპერაციას, ამას ჩვენ შევეწინააღმდეგებით, უამრავი გეგმა გვაქვს, როგორ გავაკეთოთ ეს",- განაცხადა მამუკა ხაზარაძემ.