მივიღეთ გადაწყვეტილება, 2028 წლის ბოლომდე დღის წესრიგში არ დავაყენოთ ევროკავშირთან მოლაპარაკებების გახსნის საკითხი , - ამის შესახებ პრემიერ-მინისტრმა ირაკლი კობახიძემ პარტიის ოფისში გამართულ პრესკონფერენციაზე  განაცხადა.

ირაკლი კობახიძე ევროპარლამენტის რეზოლუციას გამოეხმაურა და აღნიშნა, რომ “კატეგორიულად მიუღებელია, ევროკავშირში ინტეგრაცია განვიხილოთ, როგორც მოწყალება“.

კობახიძის თქმითვე, “მოლაპარაკეების გახსნა დასაშანტაჟებლად ისევე გამოიყენება, როგორც მანამდე კანიდდატის სტატუსი”.

“მივიღეთ გადაწყვეტილება, 2028 წლის ბოლომდე დღის წესრიგში არ დავაყენოთ ევროკავშირთან მოლაპარაკების გახსნის საკითხი. ასევე 2028 წლის ბოლომდე უარს ვამბობთ ყოველგვარ საბიუჯეტო გრანტზე ევროკავშირის მხრიდან”,- განაცხადა კობახიძემ.