„უცხოური გავლენის გამჭვირვალობის შესახებ“ კანონის საწინააღმდეგო აქციაზე დაკავებული გიორგი ოკმელაშვილი საქალაქო სასამართლომ პატიმრობაში დატოვა.

გადაწყვეტილება დღევანდელ სხდომაზე მოსამართლე გიორგი გელაშვილმა გამოაცხადა.

ოკმელაშვილი პოლიციამ 15 მაისს დააკავა. მას 14 მაისის აქციაზე პოლიციელის მიმართ ფიზიკურ შეურაცხყოფას ედავებიან.

17 მაისს, სასამართლომ ოკმელაშვილს აღკვეთის ღონისძიების სახით პატიმრობა შეუფარდა.