პოლიციელი, გიორგი გოგინაშვილი, რომელმაც შინაგან საქმეთა სამინისტრო პროტესტის ნიშნად დატოვა, გენერალურ ინსპექციაში დაიბარეს.

აღნიშნულის შესახებ გიორგი გოგინაშვილი სოციალურ ქსელ "ფეისბუქზე" წერს.

როგორც პოლიციელი აღნიშნავს, მან არ იცის მიზეზი, თუ რის გამო დაიბარეს გენერალურ ინსპექციაში.

შეგახსენებთ, შინაგან საქმეთა სამინისტროს თანამშრომელმა, გიორგი გოგინაშვილმა 3 დეკემბერს განაცხადა, რომ ქვეყანაში არსებული ვითარებიდან გამომდინარე თანამდებობას ტოვებს.