ლატვიის პრეზიდენტი ედგარს რინკევიჩსი სოციალურ ქსელ X-ზე წერს, რომ მას საქართველოს პრეზიდენტ სალომე ზურაბიშვილთან სატელეფონო საუბარი ჰქონდა.

როგორც რინკევიჩსმა აღნიშნა, ის მხარს უჭერს პოლიტიკურ ძალებს შორის დიალოგის დაწყების წინადადებას საქართველოს ევროპული გზის უზრუნველყოფისა და არსებული კრიზისის მოგვარების მიზნით.

"მქონდა სატელეფონო საუბარი პრეზიდენტ ზურაბიშვილთან საქართველოში მიმდინარე სიტუაციაზე. მხარს ვუჭერ პოლიტიკურ ძალებს შორის დიალოგის დაწყების წინადადებას საქართველოს ევროპული გზის უზრუნველყოფისა და არსებული კრიზისის მოგვარების მიზნით. პრეზიდენტის მიმართ გამოთქმული მუქარა მიუღებელია",- წერს ედგარს რინკევიჩსი.