გერმანიის ბუნდესტაგის რამდენიმე ფრაქციის ერთობლივ განცხადებაში საქართველოსთან დაკავშირებით ნათქვამია, რომ აუცილებელია დემოკრატიული პრინციპების აღდგენა და კონსოლიდაციის პლურალისტური პროცესი, რაც საშუალებას მისცემს ქვეყანას ჩაატაროს თავისუფალი და სამართლიანი საპარლამენტო არჩევნები.

გერმანელი დეპუტატები მხარს უჭერენ მიზანმიმართული სანქციების დაწესებას ევროკავშირის დონეზე იმ პირებზე, რომლებიც პასუხისმგებლები არიან მშვიდობიანი დემონსტრანტების მიმართ ადამიანის უფლებების დარღვევებზე. განცხადებაში აღნიშნულია, რომ ფედერალური მთავრობა უკვე მხარს უჭერს მსგავს სანქციებს და ეროვნულ დონეზე 9 პირს მიმართ უკვე დაწესებულია ქვეყნის ტერიტორიაზე შესვლის აკრძალვა.

„ჩვენ ვადასტურებთ ჩვენს მტკიცე მხარდაჭერას ქართველი ხალხის კანონიერი - ევროპისა და დემოკრატიისკენ მისწრაფებების მიმართ. მყარად ვდგავართ საქართველოს დემოკრატების მხარეს და ვაგრძელებთ საქართველოს სამოქალაქო საზოგადოების დახმარებას, რომ დააბრუნონ ქვეყანა დემოკრატიულ და ევროპულ გზაზე,“ - ნათქვამია განცხადებაში.

დეპუტატები მიესალმებიან იმ ფაქტს, რომ საქართველოში უკვე შეჩერებულია მრავალრიცხოვანი შეზღუდვები და მხარდაჭერას გამოთქვამენ ქვეყანაში დემოკრატიული რეფორმების განხორციელებისთვის.