საქართველოს პრეზიდენტი, სალომე ზურაბიშვილი, პლატფორმა X-ზე გამოეხმაურა "ბათუმელების" დამფუძნებლის, მზია ამაღლობელის, დაკავებას. ზურაბიშვილი მომხდარს გმობს და წერს, რომ საქართველოში ჟურნალისტების დაპატიმრებები გრძელდება. „საქართველოში ჟურნალისტების დაპატიმრებები გრძელდება… ერთ ღამეში ორჯერ!“ – აღნიშნა მან.

გუშინ ღამით ბათუმში "ბათუმელების" და "ნეტგაზეთის" დამფუძნებელი, მზია ამაღლობელი, ორჯერ დააკავეს. პირველად მისი დაკავების მიზეზი საპროტესტო სტიკერის გაკვრა გახდა, რის შემდეგაც იგი ხელწერილის საფუძველზე გაათავისუფლეს. მალევე კი, მეორე ჯერ, ამაღლობელი სისხლის სამართლის მუხლით დააკავეს და პოლიციელზე თავდასხმას ედავებიან.

ამაღლობელის დაკავება კვლავ აქტიურად განხილული თემაა საქართველოში მედია თავისუფლებისა და ჟურნალისტების უფლებების დაცვის კონტექსტში.